Një zjarr i madh ka përfshirë tregun e rrobave të përdorura në zonën ‘5 Maji’ në Tiranë. Në një lidhje live për Euronews, gazetari Thimi Samarxhi tha se zjarri është i përmasave shumë të mëdha.
Sipas tij, zjarri ka përfshirë përveç tregut edhe një godinë tjetër pranë vendit të ngjarjes. Ai thekson se flakët janë aq të mëdha sa reja e tymit ka mbuluar zonën, dhe flakët rrezikojnë ndërtesat përreth.
Gazetari i cili banon pranë zonës ku ka rënë zjarri, bëri thirrje për angazhimin e një helikopteri për të shuar flakët.