Një zjarr i madh pyjor që ka shpërthyer në zonën e Herbon, në provincën A Coruña, po vijon të jetë aktiv dhe jashtë kontrollit të autoriteteve.
Sipas të dhënave zyrtare, flakët kanë përfshirë rreth 330 hektarë tokë, ndërsa autoritetet kanë shpallur nivelin e alarmit 2 dhe kanë urdhëruar evakuimin e rreth dhjetë shtëpive në zonat e rrezikuara.
Edhe pse në orët e mëngjesit situata dukej më e qëndrueshme, temperaturat mbi 30°C dhe erërat e forta kanë përkeqësuar ndjeshëm përhapjen e zjarrit gjatë ditës.
Kryebashkiaku i Padron, Anxo Rei Arca, deklaroi se kushtet atmosferike kanë ndikuar në rritjen e intensitetit të flakëve.
Deri më tani nuk raportohen viktima apo dëme në banesa, por autoritetet mbeten në gatishmëri të lartë për shkak të afërsisë së zjarrit me zonat e banuara.
Zjarri vjen në një periudhë shqetësimi në rritje për situatën e zjarreve në pyje në rajonin e Galicias.