Komisioni Qendror i Zgjedhjeve sot do të mbajë mbledhje.
KQZ ka informuar se në mbledhjen e sotme, që do të nisë nga ora 11:00 në rend të ditës është certifikimi i kandidatëve të subjektit politik, Lëvizja Vetëvendosje, për kuvendin komunal në Leposaviq.
“Përshëndetje, ju njoftoj se sot (10.12.2022, ora 11:00) Komisioni Qendror i Zgjedhjeve mban mbledhjen e radhës me rendin e ditës të cilin e gjeni të bashkangjitur.”, është bërë e ditur nga zëdhënësi i KQZ-së, Valmir Elezi.
Që nga e enjtja në mbrëmje në komunat veriore kanë ndodhur disa shpërthime të shok-bombave e të shtëna me armë zjarri, me këtë rast, janë shtuar patrullimet dhe prezenca policore. Po të enjten në mbrëmje, nga grupet ekstremiste në atë pjesë të vendit është sulmuar një patrullë policore, ku ka mbetur i lënduar një polic. Sulme ka pasur edhe ndaj gazetarëve.
Zgjedhjet për kryetarë të komunave veriore janë caktuar të mbahen më 18 dhjetor, ndërsa ato për kuvende komunale më 25 dhjetor. E para disa ditëve, derisa zyrtarët e KQZ-së bashkë me zyrtarë policorë janë penguar që të hyjnë në ambientet e KKZ-ve në komunat veriore. /TV Arbëria