Shtëpia e re e Marc Cucurellas raportohet se ka qenë cak i hajnave menjëherë pasi mbrojtësi spanjoll iu bashkua Chelseat nga Brightoni.
Spanjolli kaloi te Chelsea për një shumë afro 75 milionë euro gjatë verës, dhe që nga ajo kohë nuk ka bindur me paraqitjet e tij me “Blutë”.
Bëhet e ditur se vjedhja në shtëpinë e Cucurellas kishte ndodhur jo shumë gjatë pasi që ai kaloi në “Stamford Bridge”, gjë që besohet se ka ndikuar në mendjen e lojtarit.
Së fundmi, trajneri i Chelseat, Graham Potter e ka pranuar se Cucurella po vuan personalisht, por që nuk ofroi më shumë shpjegim për rastin.
Cucurella nuk ishte titullar mbrëmë në humbjen 1:0 të Chelseat kundër Borussia Dortmundit në Ligën e Kampionëve, dhe u fishkëllye nga tifozët kur u inkuadrua nga banka rezervë në minutën e 71′.