Policia ka arrestuar pesë persona pasi disa persona u gjetën të vrarë me armë zjarri në një zonë të largët të shkretëtirës Mojave të Kalifornisë jugore.
Gjashtë trupa u gjetën pasi një viktimë që po jepte shpirtë telefonoi 911, duke mundësuar dërgimin e një helikopteri policie në skenën e tmerrshme të krimit.
Hetuesit për zyrën e Sherrifit të San Bernardino thanë të hënën se mosmarrëveshja duket të jetë e lidhur me prodhimin e paligjshëm të marihuanës, raporton CNN.
Katër nga gjashtë viktimat janë identifikuar deri më tani, tha policia.
Trupat – të gjithë meshkuj – u gjetën më 23 janar jashtë një autostrade pranë qytetit El Mirage, që ndodhet në San Bernardino County. Të gjashtë viktimat vdiqën nga plagët me armë zjarri, tha policia.
Katër nga viktimat gjithashtu pësuan djegie të rënda.
Hetimi filloi kur operatorët e urgjencës 911 morën një telefonatë nga një prej viktimave duke raportuar se ai kishte pësuar një plagë me armë zjarri.
Një helikopter policie u dërgua dhe gjeti viktimat rreth orës 20:15 me orën lokale rreth 144 km në verilindje të Los Anxhelosit.
Katër prej burrave u gjetën pranë njëri-tjetrit, ndërsa një tjetër ndodhej në një automjet. Oficerët zbuluan trupin e fundit pak më larg.
Për sa i përket motivit, ne kemi besim se kjo duket të jetë një mosmarrëveshje për marihuanë, thanë nga polcicia.
Në një njoftim për shtyp, zyra e sherifit tha se “hetuesit përcaktuan se viktimat kishin rregulluar të takoheshin në vendndodhje për një transaksion marihuane”.
Pesë burrat që janë arrestuar “arritën në vend, dhe për arsye që ende po hetohen, qëlluan gjashtë viktimat”.
Tetë armë janë konfiskuar nga hetuesit dhe po testohen për të përcaktuar nëse ato janë përdorur në vrasjet.
Zyrtarët refuzuan të komentojnë nëse vrasjet ishin të lidhura me kartelin apo bandat, në vend të kësaj ia atribuan ato “krimit të organizuar”.
Kanabisi ka qenë i ligjshëm për të rriturit për të blerë dhe përdorur në Kaliforni që nga viti 2016, por një treg i zi mbetet për marijuanën e pataksuar.
Vitin e kaluar, policia në San Bernardino County ekzekutoi 411 urdhra kërkimi për operacione të paligjshme të marihuanës dhe sekuestroi 34,000 kg kanabis të përpunuar, sipas zyrës së sherifit.
Six bodies were found in California’s Mojave Desert in a remote area after police responded to a wellness call.
pic.twitter.com/ns7LBAomf2— Ｎｅｒｄｙ (@Nerdy_Addict) January 24, 2024