Xhiro e parë e edicionit të ri do të vazhdojë sot me dy ndeshje të tjera në program.
Kampioni i Kosovës, Ballkani do ta nisë rrugëtimin për mbrojtjen e titullit kampion ndaj skuadrës së Dukagjinit nga Klina.
Skuadra e Ilir Dajës e pret në Suharekë skuadrën e Ismet Munishit, me fillim nga ora 17:00.
Ndërkohë një sfidë po ashtu interesante është ajo mes Prishtinës dhe skuadrës së promovuar këtë sezon në Superligë, Suhareka.
Kryeqytetasit do të rikthehen në stadiumin “Fadil Vokrri” pas një kohe të gjatë, teksa hyrja për këtë duel do të jetë pa pagesë.
Ky duel zhvillohet nga ora 19:00, nën ndriçimin e reflektorëve.