Në festën e organizuar nga familja Qëndrim Hamdi Kryeziu, për nder të 30-vjetorit të UÇK-së ka marrë pjesë edhe një nga katër themeluesit e UÇK-së, Xhavit Haliti, njëherit edhe deputet nga PDK-ja.
Ai gjatë fjalimit të tij në këtë festë tha se kjo ditë është e veçantë, dhe potencon se falë UÇK-së Kosova ka aleancë me NATO-në.
Pjesë nga fjalimi i tij:
“Për neve të gjithve është datë e veçantë 17 nëntori, është datë nga e cila ka fillu me ndëgju krejt bota për UÇK-në, si organizatë çlirimtare, si organizatë, dhe si ushtri ta themi atëherë goerile që ka fillu luftën për me çliru Kosovën, dhe jo me e marrë nga pushtet prej dikujt, tani Kosova është e lirë, të arriturat nuk mund të numrohen nga fillimi i aksioneve të UÇK-ës me çlirimin e Kosovës e deri më sot, Kosova po frymon lirshëm, Kosova po ndërton një demokraci Perëndimore do ta quaja, në të cilën kemi hise të gjithë bashkë, edhe ata që kanë luftu edhe ata që nuk kanë luftu, dhe po besoj që e ardhmja e Kosovës është nëse e respektojmë njëri-tjetrin… Falë UÇK-së kemi arritë të kemi aleancë me NATO-në. Lidhjet me Amerikën i kanë ba njerëzit e UÇK-së”, ka thënë Haliti.
