Xhavit Haliti ka përkujtuar Luan Haradinaj, një nga pjesëtarët e parë të Ushtrisë Çlirimtare të Kosovës, i cili ra heroikisht më 6 maj 1997 gjatë një misioni për të ndihmuar hyrjen e një grupi në Kosovë.
Haliti e ka cilësuar Haradinajn si më shumë se vëlla, duke theksuar se ai ishte një ndër luftëtarët më të përgatitur për veprim si në Kosovë ashtu edhe në Shqipëri. Sipas tij, ai ishte i përkushtuar në çdo detyrë dhe nuk refuzonte asnjë angazhim, duke u dalluar për seriozitet dhe përpikëri.
Në fund, Haliti ka vlerësuar se figura e Luan Haradinajt meriton nderim dhe respekt të përhershëm nga kombi shqiptar.