Ai ka pretenduar se ka argumente të forta edhe për edhe kundër pjesëmarrjes së serbëve në zgjedhjet në Kosovë dhe thekson se është një vendim shumë i vështirë që duhet të merret, raporton agjencia serbe e lajmeve Tanjug.
“E keni parë rreth regjistrimit, një pjesë e mirë e serbëve të veriut nuk kanë marrë pjesë në regjistrimin në Kosovë, është e pamundur që Zveçani të ketë 100 banorë, e shihni që serbët në veri e bojkotuan regjistrimin, ndërsa në Graçanicë ata morën pjesë”, ka thënë Vuçeviq transmeton Paparaci.
Ai ka shtuar se “mbi të gjitha, presioni më i madh është në veri të Kosovës sepse aty është komuniteti më homogjen serb dhe sepse veriu i Kosovës është objektivi kryesor i Kurtit në spastrimin etnik”.
Vuçeviq përmendi se komuniteti serb “është i ekspozuar ndaj presioneve të shumta në rajon” dhe ka shtuar se “në rajon po zhvillohet politika antiserbe” dhe se Serbia akuzohet se ajo është agresore dhe faktor jostabiliteti në rajon.