Presidentja e Komisionit Evropian, Ursula von der Leyen, i ka ftuar në një drekë pune liderët e gjashtë vendeve të Ballkanit Perëndimor.
Gjatë këtij takimi do të flitet për Planin e Zgjerimit për Ballkanin Perëndimor.
Von der Leyen tha se gjashtë vendet e Ballkanit Perëndimor, i përkasin Evropës dhe se kjo është ajo në të cilën po punojnë.
“Paralelisht, ne po i afrojmë ekonomitë dhe tregjet e tyre me tonat me Planin tonë të Rritjes prej 6 miliardë eurosh për rajonin”, tha ajo.
Ndërsa, zëdhënësja e Komisionit Evropian, Ana Pisonero, dje tha se Komisioni është duke finalizuar vlerësimin e tij në lidhje me agjendat e paraqitura nga partnerët perëndimorë.
