Presidentja e Republikës së Kosovës, Vjosa Osmani, ka shpërndarë sot Legjislaturën e nëntë të Kuvendit të Kosovës. Ky vendim vjen pas pranimit të vendimit të Kuvendit lidhur me dështimin e krijimit të Qeverisë edhe nga mandatari i dytë.
Në përputhje me Kushtetutën dhe legjislacionin në fuqi, shpërndarja e Kuvendit është masa e parashikuar kur nuk arrihet të formohet Qeveria brenda afateve të përcaktuara. Me këtë vendim, hapet rruga për organizimin e zgjedhjeve të reja në vend.
Presidentja Osmani ka theksuar se ky vendim është marrë për të respektuar rregullat kushtetuese dhe për të garantuar vazhdimësinë e procesit demokratik në Kosovë.