Një shtëpi në Deçan është bërë cak i hajnave disa ditë më parë.
Rasti ka ndodhur më 16 mars të këtij viti në fshatin Voksh të Deçanit, ndërsa pronari dje ka denoncuar zhdukjen e një arme zjarri nga shtëpia e tij.
Ankuesi ka raportuar në polici se, gjatë kohës që ndodhej për vizitë në Zvicër, persona të panjohur kanë hyrë në shtëpinë e tij dhe i kanë vjedhur një pistoletë të tipit Sarsilmaz Kilinc 2000 Mega, kalibër 9×19 mm, së bashku me 15 fishekë.
Viktima ka deklaruar se shtëpia ka qenë e mbyllur me çelës.
Njësitet e hetimeve kanë dalë në vendin e ngjarjes dhe janë duke punuar për zbardhjen e rastit dhe kapjen e autorëve.