Avokati Emrush Kastrati duke komentuar vizitën e ish presidentit Hashim Thaçi ditë më parë te babi i tij tashmë i ndjerë në QKUK, ka vlerësua se nuk ka qenë e nevojshme të mobilizohen forcat e shumta të policisë për ta ruajtur qetësinë publike.
Kjo pasi sipas Kastratit, ish presidenti Thaçi nuk ka qenë pjesë e ndonjë krimi të mundshëm, shkruan Tv Arbëria.
“Nuk ka pasë nevojë të mobilizohen aq forca të shumta të policisë për ta ruajtur rendin juridik apo qetësinë publike, ngase zoti Thaçi nuk ka qenë një personalitet i cili është pjesë e një krimi në thojëza të mundshëm që do të shkaktonte probleme në opinion publik apo diçka tjetër ose çdo formë tjetër të shmangies në Gjykatë. Ki të bëjë me një njeri i cili ka qenë në ditët e para të luftës së UÇK’së, ka udhëheqë me luftën”, tha ai në emisionin “N’PULT”.