Aksident me pasojë vdekjen e një 24-vjeçari ka ndodh mbrëmjen e së premtes në aksin rrugor “Elbasan-Librazhd”.Sipas informacioneve ka qenë një automjet i cili është përplasur fillimisht me automjetin e shtetasit E. L., 32 vjeç dhe më pas me motomjetin me drejtues shtetasin H. S., 24 vjeç.
Si pasojë e aksidentit ka ndërruar jetë drejtuesi i motomjetit shtetasi H. S, 24 vjeç, raporton Euronews.alNjoftimi i policisë:
Specialistët e Sektorit të Qarkullimit Rrugor referuan materialet në Prokurori dhe shpallën në kërkim shtetasin N. B., 55 vjeç, banues në Elbasan, pasi mbrëmjen e djeshme, në aksin rrugor “Elbasan-Librazhd”, automjeti që ai drejtonte është përplasur me automjetin me drejtues shtetasin E. L., 32 vjeç dhe me motomjetin me drejtues shtetasin H. S., 24 vjeç.Pas përplasjes drejtuesi i automjetit shtetasi N.B është larguar nga vendi aksidentit dhe vijon puna intensive nga ana e policisë për kapjen e tij.
Si pasojë e aksidentit ka ndërruar jetë drejtuesi i motomjetit shtetasi H. S.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.