Shkruan: Emine Krasniqi
Pas një procesi të gjatë gjyqësor në Hagë, vëmendja është përqendruar te verdikti për ish-krerët e Ushtrisë Çlirimtare të Kosovës. Vendimi pritet me interes të madh në Kosovë, ndërsa qytetarë, familjarë dhe mbështetës të ish-krerëve po e përcjellin me vëmendje këtë moment.
Në Hagë pritet të shpallet vendimi për akuzat ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi.
Procesi ka marrë vëmendje të madhe ndër vite, ndërsa në Kosovë janë zhvilluar aktivitete dhe tubime në mbështetje të tyre. Verdikti pritet të jetë një nga momentet më të rëndësishme për këtë proces dhe të ngjallë reagime të shumta në vend.
Në këtë moment, mesazhi i mbështetësve është i qartë, sakrifica dhe kontributi i çlirimtarëve për lirinë e Kosovës nuk duhet të harrohet. Pavarësisht verdiktit, ata vazhdojnë të shprehin besimin se historia do ta vlerësojë rolin e tyre në rrugën drejt lirisë dhe shtetësisë së Kosovës.
“Mbështetja për çlirimtarët vazhdon, me besimin se sakrifica e tyre për lirinë e Kosovës do të mbetet e përjetshme”.
/TV Arbëria