Ka vdekur një ndër ushtarët e parë të Ushtrisë Çlirimtare të Kosovës, Cen Aliçkaj.
Lajmin e ka bërë të ditur kreu i AAK-së, Ramush Haradinaj. Haradinaj e ka përshkruar atë si luftëtar të fortë, dhe njëri prej luftëtarëve më të zotë të UÇK-së në Dukagjin.
Ai ka potencuar se Aliçkaj ka qenë njëri prej luftëtarëve më të zotë të UÇK-së në Dukagjin.
“Kur po i formonim rreshtat e parë të UÇK-së, ndër të parët që hyri në rreshtin e ushtarëve ishte edhe Cen Aliçkaj. Ishte luftëtar i fortë, njëri prej luftëtarëve më të zotë të UÇK-së në Dukagjin! Sot, në paqe, Cena na u nda nga rreshti për t’ju bashkuar shumë burrave të kombit që i kishte përkrah luftës për liri.”, ka shkruar Hardinaj në Facebook, duke shtuar, pusho i qetë në tokën për të cilën luftove./TV Malisheva
