Sot ka vdekur, Gjenerali i Ushtrisë Çlirimtare të Kosovës, Gjenerali i FSK-së e veprimtari politik, Imri Ilazi, i njohur si “Komandant Ferri”.
Për ndarjen e tij nga jeta ka shkruar edhe i pari i komunës së Ferizajt, Agim Aliu, i cili tha se morën lajmin e kobshëm pikërisht në Ditën e Dëshmorëve të Kombit të Komunës së Ferizajt.
Ilazi ishte kthyer nga mërgimi duke iu bashkuar radhëve të para të Ushtrisë Çlirimtare të Kosovës, duke qenë zëvendëskomandant në Zonën Operative të Neredimes.
