Cristiano Ronaldo ka vazhduar betejën e tij ligjore me ish-klubin Juventus mbi pagat e papaguara në vlerë prej 19.5 milionë eurosh dhe një vendim i gjykatës pritet në fund të muajit prill.
Kjo mosmarrëveshje mes palëve ka vazhduar që prej largimit të yllit portugez nga Italia për tu rikthyer tek Manchester United në gusht të 2021, me ish-fituesin e Topit të Artë që po insiston se Juventusi i detyrohen rreth 19.5 milionë euro.
Juventusi në anën tjetër ka pohuar se ai kishte nënshkruar për të hequr dorë nga paratë e mbetura pas transferimit tek Manchester United, një situatë e cila u tejkalua me shpejtësi në ditën e fundit të afatit kalimtar.
Ronaldo e kishte çuar çështjen në arbitrazh në qershor të 2023 dhe Calcio e Finanza ka inspektuar dokumentin i cili ka konfirmuar se do të ketë një tjetër seancë gjyqësore më datë 5 shkurt.
Gjykata e Arbitrazhit Collegio pritet që të jap verdiktin e saj më datën 22 prill sa i përket kësaj çështjeje.
Avokatët e Juventusit kanë insistuar se klubi i konsideron si të pabaza kërkesat e Ronaldos dhe se ata janë aq të sigurt sa nuk janë lënë mënjanë fonde shtesë në rast se humbin çështjen.
Ronaldo është ende duke luajtur dhe e ka bërë kalimin tek Al Nassr në Ligën Saudite si lojtar i lirë në janar të vitit të kaluar./Telegrafi/
© Arbëria TV - Kjo faqe kontrollohet dhe menaxhohet nga Arbëria TV. Të gjitha materialet në të, përfshirë fotografitë, janë të mbrojtura me copyright, dhe për to Arbëria TV mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të Arbëria TV. Shfrytëzimi i materialeve nga ndonjë faqe interneti a medium tjetër pa lejen e Arbëria TV është shkelje e drejtave të autorit dhe të pronës intelektuale sipas dispozitave ligjore në fuqi.