Kandidati për deputet nga radhët e Partisë Demokratike të Kosovës, Ramë Vataj tha se kandidati për kryeministër nga kjo parti, Bedri Hamza asnjëherë nuk kalon në ofendime siç po bënë partia në pushtet Lëvizja Vetëvendosje.
I ftuar në emisionin “N’Pult” prodhim ky i TV Arbëria, ai theksoi se Lëvizja Vetëvendosje është në panik sepse sipas tij, populli do ti jap verdiktin më 9 shkurt për shkak se siç tha ai, populli nuk i duron ofendimet dhe sharjet që po bënë ky subjekt politik.
“Është një panik në kampin e partisë në pushtet, sigurisht mendoj që populli ka më dhënë verdiktin e vet me 9 shkurt sepse ky popull nuk i duron sharjet ofendimet. Ajo gjuhë për shembull është shumë ofenduese për një kategori, për njerëzit që kanë dinjitet dhe personalitet të vetin. Njerëzit edhe nëse nuk munden të kundërvihen ata mbajnë mend, prandaj unë mendoj që sjellja njerëzore është ajo e para që duhet të vlerësohet dhe ne jemi këtu në garë, gara duhet të jetë fer jo me ofendime dhe nënqmime të tjerëve.
Ndryshe, PZAP u ka shqiptuar gjoba në vlerë 125 mijë euro subjekteve politike për shkelje të rregullave zgjedhore që nga fillimi i fushatës zgjedhore, e cila ka nisur më 11.01.2025 e deri më 22.01.2025.
Fushata për zgjedhjet parlamentare në Kosovë ka filluar zyrtarisht më 11.01.2025.
Për zgjedhjet parlamentare të 09.02.2025 janë certifikuar 28 subjekte politike me 1,280 kandidatë.
Zgjedhjet e vitit 2025 për Kuvend të Kosovës janë zgjedhjet e gjashta me radhë që do mbahen në Kosovë, që nga shpallja e Pavarësisë së Kosovës më 17.02.2008.
Këto do të jenë zgjedhjet e para të rregullta që Kosova mban që nga shpallja e Pavarësisë në vitin 2008./TV Arbëria