Gjykata Themelore në Prishtinë ka shapllur fajtor zyrtarin policor V.I. për veprën penale “Dhunë në familje”, si edhe për veprën penale “Lendim i lehtë trupror”.
Gjykata e gjeti fajtor atë për këto veprime kriminale ku e dëmtuar ishte bashkëshortja e tij.
Gjykata mori vendim, dhe i akuzuari u dënua me 8 muaj burg efektiv dhe dënim me gjobë në vlerë prej 800 euro.
Kështu ka bërë të ditur për Insajderin avokatja e viktimës, Leonora Dervishaj- Pacolli.
“Ne arritëm, të paraqesim çdo provë dhe dëshmi duke dëshmuar qartë dhunën fizike dhe psiqike që i është ushtruar në vazhdimësi ndaj të dëmtuarës.” – ka thënë ajo.
Palës së dëmtuar të cilën e përfaqësoj, “sot i është kthyer dinjiteti dhe besimi në drejtësi edhe përkundër faktit se Prokuroria 3 herë e ka hedhur kallëzimin e saj penal.” – ka shtuar ajo.
“Prandaj, mos e toleroni dhunën në asnjë nga format e saj, sepse Drejtësia do të triumfojë. Çdo grua duhet ta denoncojë dhunën fizike dhe psiqike dhe ta luftojmë se bashku.” – ka thënë avokatja Leonora Dervishaj- Pacolli.