UEFA gjatë ditës së sotme e ka publikuar formacionin më të mirë të kampionatit evropian.
Në 11-shen më të mirë të EURO 2024, gjendet gjashtë futbollistë të kampionit, Spanjës.
Ata janë: Marc Cucurrella, Rodri, Fabian Ruiz, Dani Olmo, Lamine Yamal dhe Nico Williams.
Në formacion janë edhe dy lojtarë të Francës, portieri Mike Maignan e mbrojtësi William Saliba.
Ndërsa pjesë e tij janë edhe Kyle Walker, i Anglisë, Manuel Akanji i Zvicrës dhe Jamal Musiala (Gjermani).
“Furia e Kuqe” u shpall të dielen kampione për herën e katërt në histori të saj.
Në finalen e EURO 2024, e mposhti Anglinë me rezultat 2:1.