Dy persona janë arrestuar në Prizren, pasi gjatë kontrollit është gjetur marihuanë në rrobat e njërit dhe në veturën e tjetrit.
Gjithsej janë sekuestruar 31 doza të marihuanës, me peshë 59.37 gram, një peshore elektronike, 1435 euro dhe një automjet me targa vendore.
Njëri është dërguar në mbajtje, ndërsa tjetri është liruar në procedurë të rregullt.
“BLERJA,POSEDIMI,SHPËRNDARJA DHE SHITJA E PAAUTORIZUAR E NARKOTIKËVE – Rr. Mujo Ulqinaku, Prizren14.12.2024-21:23. Janë arrestuar dy te dyshuar meshkuj kosovar pasi që gjatë kontrollit në rrobat e trupit të njërit te dyshuar janë gjetur dhe konfiskuar dy doza te substancës narkotike që dyshohet e llojit marihuanë, ndërsa në veturën e parkuar te dyshuarit tjetër është gjetur dhe konfiskuar një qese me doza të substancës narkotike e llojit marihuanë. Në lidhje me rastin është bastisur edhe shtëpia e njërit te dyshuarit. Gjatë këtij operacioni si dëshmi gjithsejtë janë sekuestruar: Tridhjetë e një (31) doza të substancës narkotike të llojit marihuanë me peshë 59.37 gram, një peshore elektronike, njëmijë e katërqind e tridhjetë e pesë(1435) euro dhe një automjet me targa vendore. Pas intervistimit, me vendim të prokurorit kujdestar njëri i dyshuar është dërguar në mbajtje, ndërsa i dyshuari tjetër është liruar në procedurë të rregullt.”