Mbështetja dhe mbikëqyrja amerikane ka rikthyer praninë në Prokurorinë dhe Gjykatën e Posaçme Antikorrupsion (SPAK) dhe Gjykatën e Posaçme të Shkallës së Parë (GJKKO) në Shqipëri. Pas ndalimit të fondeve nga Presidenti i SHBA-së, Donald Trump, për një periudhë 90-ditore, ekspertët amerikanë të OPDAT janë rikthyer në Shqipëri për të rinisur bashkëpunimin me këto institucione.
Mësohet se përfaqësuesit amerikanë zhvilluan takime këtë të mërkurë në ambientet e SPAK dhe GJKKO, duke vazhduar asistencën për luftën kundër korrupsionit. Urdhri i Trump për ngrirjen e fondeve kishte ndikuar edhe në institucionet e tjera shqiptare, si ministritë dhe Kuvendi, për shkak të shqetësimeve për shpërdorimin e taksave amerikane. Pas një periudhe kontrolli, Sekretari i Shtetit Marco Rubio njoftoi mbylljen e shumicës së projekteve ndërkombëtare, duke përfshirë ato në Shqipëri.