Presidenti i Shteteve të Bashkuara, Donald Trump, ka nënshkruar të premten ligjin e ri për sanksione të gjera ndaj Rusisë, duke hapur rrugën për rritjen e presionit ekonomik ndaj Moskës për shkak të luftës në Ukrainë.
Ligji, i emërtuar “Lindsey O. Graham Sanctioning Russia and Iran Act of 2026”, synon zyrtarët rusë, sektorët e energjisë dhe të mbrojtjes, bankat si dhe flotën e cisternave që përdoret për transportin e naftës ruse duke anashkaluar sanksionet ekzistuese.
Një nga pikat kryesore të ligjit është mundësia që administrata Trump të vendosë tarifa deri në 100 për qind ndaj mallrave nga vendet që janë ndër blerësit më të mëdhenj të naftës ose gazit rus. Masa përfshin edhe përjashtime për disa vende që kanë reduktuar ndjeshëm varësinë nga energjia ruse.
Legjislacioni mori mbështetje të gjerë dypartiake në Kongres. Senati e miratoi me 86 vota pro dhe 11 kundër, ndërsa Dhoma e Përfaqësuesve me 262 pro dhe 159 kundër.