Donald Trump e ka quajtur Volodymyr Zelenskyyn një “diktator” në një postim të ashpër në Truth Social.
Presidenti amerikan tha se homologu i tij ukrainas kishte bërë një “punë të tmerrshme” dhe se “duhet të lëvizë shpejt ose nuk do t’i mbetet më një vend”.
“E dua Ukrainën, por Zelensky ka bërë një punë të tmerrshme, vendi i tij është shkatërruar dhe miliona njerëz kanë vdekur kot – Dhe kështu vazhdon…”, shkroi ai.
Ai tha se Zelensky, të cilin e cilësoi si një “komedian mesatarisht të suksesshëm”, e kishte bindur Amerikën të shpenzonte 350 miliardë dollarë për të “hyrë në një luftë që nuk mund të fitohej”.
Postimi i plotë:
Një komedian modest i suksesshëm, Volodymyr Zelenskyy, i nxiti Shtetet e Bashkuara të Amerikës të shpenzonin 350 miliardë dollarë, për të shkuar në një luftë që nuk mund të fitohej, që nuk duhej të fillonte kurrë, por një luftë që ai, pa SHBA-në dhe “TRUMP-in”, nuk do të mund ta zgjidhte kurrë.
Shtetet e Bashkuara kanë shpenzuar 200 miliardë dollarë më shumë se Evropa, dhe paratë e Evropës janë të garantuara, ndërsa Shtetet e Bashkuara nuk do të marrin asgjë.
Pse i përgjumuri Joe Biden nuk kërkoi Barazim, pasi kjo luftë është shumë më e rëndësishme për Evropën sesa për ne. Për më tepër, Zelenskyy pranon se gjysma e parave që i dërguam atij “MUNGOJNË”.
“Ai refuzon të ketë zgjedhje, është shumë i ulët në sondazhet në Ukrainë”, thotë mes tjerash Trump.
“Një diktator pa zgjedhje, Zelenskyy më mirë të lëvizë shpejt ose nuk do t’i mbetet një vend”.
“Ne po negociojmë me sukses një fund të Luftës me Rusinë, diçka që të gjithë pranojnë se vetëm “TRUMP” dhe administrata Trump mund ta bëjnë. Biden nuk u përpoq kurrë, Evropa ka dështuar të sjellë paqen dhe Zelenskyy ndoshta dëshiron të mbajë “trenin e ushqimit”. Unë e dua Ukrainën, por Zelenskyy ka bërë një punë të tmerrshme, vendi i tij është shkatërruar dhe miliona njerëz kanë vdekur pa qenë nevoja – Dhe kështu vazhdon….