Një ngjarje tronditëse ka ndodhur mbrëmjen e së hënës në fshatin Krutje të Lushnjes, ku një person dyshohet se ka vrarë nënën e tij dhe ka plagosur rëndë babain.
Sipas informacioneve të para, autori i dyshuar, Florian Dalladaku, i ka sulmuar prindërit me një sqepar. Si pasojë e sulmit, nëna ka humbur jetën, ndërsa babai ka mbetur i plagosur rëndë, shkruan Top Channel, transmeton Sinjali.
Pas ngjarjes, autori është larguar nga vendngjarja, ndërsa policia ka nisur menjëherë kërkimet për kapjen e tij dhe ka rrethuar zonën.
Sipas informacioneve të para, Dalladaku dyshohet se vuan nga probleme të shëndetit mendor.
Autoritetet po vijojnë operacionin për lokalizimin dhe arrestimin e tij, ndërsa rrethanat e plota të ngjarjes mbeten nën hetim.