Ministrja e Drejtësisë, Albulena Haxhiu dhe deputetja e Lidhjes Demokratike të Kosovës, Doarsa Kica-Xhelili janë përplasur në seancën e Kuvendit të enjten në lidhje me vettingun.
Në këtë seancë ku po shqyrtohen tri propozim-amendamente kushtetuese, që kanë të bëjnë me vettingun në sistemin e drejtësisë, Kica-Xhelili e cilësoi vettingun si proces të dështuar.
“Ne si LDK do t’i votojmë amendamentet kushtetuese që vijnë në Kuvend për vettingun. Por, ky proces nuk është më proces i vettingut. Ne kemi të bëjmë me rehabilitimin e një procesi të vettingut që tashmë është proces i dështuar”, thotë Kica Xhelili.
E në anën tjetër Ministrja e Drejtësisë, Haxhiu i reagojë deputetes së LDK-së duke thënë se “uroj që të mos jetë dëshirë e jotja kjo”.
“Edhe njëherë po ju njoftoj se reformën në drejtësi po e bëjmë në disa drejtime dhe paralelisht. Znj. Doarsa Kica-Xhelili tha se procesi i vettingut është i dështuar, por unë uroj që të mos jetë dëshirë e jotja kjo. Uroj të mos jetë dëshirë e jotja, por shqetësim që e ke ngritur si deputete e Kuvendit”, ka thënë ministrja.
/TV Arbëria