ITALI- Një tërmet i fortë është regjistruar mbrëmjen e së enjtes në rajonin e Kalabrisë, në Itali.
Sipas të dhënave të para nga Instituti Kombëtar i Gjeofizikës dhe Vullkanologjisë, tërmeti ishte me magnitudë 5.0 i Shkallës Rihter.
Epiqendra u regjistrua në Pietrapaola, në një thellësi prej 21 kilometrash, në zonën e Cosenza, por lëkundjet u ndjenë edhe në Catanzarro.
Aktualisht nuk raportohet për dëme në njerëz dhe banesa.