Në orët e para të datës 1 Prill në Komunën e Zveçanit, respektivisht në njërën nga pikat postare të Kosovës u hodhën granata dore e që ky sulm po cilësohet si sulm terrorist.
Zëvendësdrejtori i Policisë për Rajonin e Veriut, Veton Elshani tha për TV ARBËRIA se momentalisht nuk ka persona të dyshuar, derisa theksoi se Policia e Kosovës po merret me zbardhjen e rastit.
“30 minuta pas mesnate ka ndodhë një shpërthim që ka ndodhë te posta e Zveçanit kemi shku në atë vend dhe kemi gjetë njëshpërthim do me thënë pasojat e një shpërthimi I cili kishte shkaktuar dëme material e poashtu edhe një granatë dore e cila nuk kishte shpërthy. Nuk kemi persona të dyshimtë për momentin dhe nuk ka as persona të lënduar, Policia është duke punuar në ndriqimin e rastit”, tha Elshani.
Teksa theksoi se Policia e Kosovës është në veri të vendit, dhe nuk e ka ndërmend të zmbrapset, nëse siç tha ai, ky është mesazhi.
“Nuk e kemi ende informacionin se cili ka qenë shkaku i sulmit mirëpo ne kemi pasë edhe në të kaluarën shpërthime të granatave jei duke punu në ndriqim të rastit Policia është këtu në very të vendit, situate është e qetë Ne nuk e kemi ndërmend me u zmbraps nëse ai është mesazhi ose diçka e tillë”, shtoi më tej Elshani./TVARBËRIA./