BBC raporton përditësimin më të fundit nga Ministria e Shëndetësisë e Libanit, e cila njofton se 182 njerëz janë vrarë dhe 727 janë plagosur, përfshirë fëmijë, gra dhe mjekë ndihmës, në sulmet që kanë ndodhur në jug të Libanit që nga mëngjesi i sotëm.
Zëdhënësi i administratës, Daniel Hagari, njofton se forcat ajrore izraelite kanë goditur mbi 300 objektiva deri tani, duke theksuar se “çdo shtëpi që godasim përmban armë”. Ai shtoi se ushtria izraelite po “i zgjeron sistematikisht sulmet kundër Hezbollahut”.
Izraeli po intensifikon sulmet në Liban, ndërsa SHBA paralajmëron për mundësinë e një luftë totale.
Hagari njoftoi se IDF është duke u përgatitur për të goditur së shpejti “objektivat terroriste” në rajonin e Luginës Bekaa, që tashmë ka pësuar sulme. Ai u bëri thirrje banorëve pranë shtëpive ku ruhen armët të largohen për të siguruar mbrojtjen e tyre, duke theksuar: “Hezbollahu synon të hedhë këto armë drejt Izraelit dhe ne nuk do ta lejojmë këtë! Qëndroni larg për mbrojtjen tuaj.”