Procesi mësimor për nxënësit në Kosovë ka filluar tash e pesë ditë, më 1 shtator, shkruan TV Arbëria.
Edhe këtë vit sikurse vitin e kaluar çështja e sigurimit të teksteve shkollore për nxënësit është subvencionuar nga Qveria e Kosovës, ku prindërit do të blejnë librat për fëmijët e tyre.
Pra edhe këtë vit tekstet do të sigurohen ndryshe nga e kaluara, ku shpërndaheshin tek nxënësit nëpër shkolla.
Lidhur me këtë çështje se si po shkon ky proces, për TV Arbëria ka folur Kryetari i Këshillit të Prindërve, Besnik Dragusha, ai tha se ka disa mungesa të teksteve shkollor.
“Informacionet që i posedojmë deri me tani, lidhur me pyetjen e juaj janë: Disa mungesa në disa libra të shtëpisë botuese Albas’, tha Dragusha.
Kryetari i Këshillit të Prindërve tutje tha se në disa zona ka pasur rritje të çmimit të librave.
“Në disa zona çmimi i librave ka qenë më i lartë se sa është çmimi i librit në realitet, kjo ka ndodhur për arsye se në disa raste çmimi nuk ka qenë i shtypur në libër”, tha Dragusha. /TV Arbëria