Të shtëna me armë zjarri janë dëgjuar sonte në lagjen Bregu i Diellit në Prishtinë, shkruan Arbëria TV.
Lajmin për Arbëria TV e ka konfirmuar zëdhënësi i Policisë për rajonin e Prishtinës, Agron Borovci, i cili bëri të ditur se nuk ka persona të lënduar nga ky rast.
“Rreth orës 21:30 është raportuar për të shtëna me armë zjarri në lagjen Bregu i Diellit në Prishtinë. Policia menjëherë ka dalë në vendin e ngjarjes dhe ka ndërmarrë të gjitha veprimet e nevojshme policore. Nga veprimet e para policore në vendin e ngjarjes janë gjetur dhe sekuestruar disa gëzhoja, ndërkohë që deri më tani nuk raportohet për persona të lënduar”, ka potencuar ndër të tjera ai.
Ndër të tjera, Borovci tha se Policia është duke punuar për identifikimin e të dyshuarve dhe zbardhjen e rastit./Arbëria TV/