Të gjitha rrugët nacionale, rajonale dhe auto-udhët, janë të mirëmbajtura dhe të kalueshme për qarkullim rrugor, ka informuar Ministrisa e Mjedisit, Planifikimit Hapësinor dhe Infrastrukturës.
Në disa segmente, siç kanë deklaruar nga ministria, si rezultat i reshjeve të fundit të borës dhe sidomos i erërave, përkatësisht në rrugën Kerpimeh-Bajgorë, ka pasur pengesa të përkohshme në rrugë, por është intervenuar dhe rruga është hapur për qarkullimin e automjeteve.
“Ekipet tona janë në kujdestari 24 orëshe dhe janë duke intervenuar me hedhje të kripës dhe aktivitetet tjera të nevojshme për mirëmbjetjen e rrugëve, aty ku ka më shumë reshje që të bëhen të kalueshme dhe të sigurta, megjithatë një kujdes i shtuar në vozitje dhe përshtatja me kushtet atmosferike është e domosdoshme.”, ka informuar ministria përmes komunikatës.
/TV Arbëria