Në një intervistë të dhënë së fundmi, sulmuesi i Barcelonës, Robert Lewandowski, ka dhënë mendimin e tij mbi trajnerin e Real Madridit, Carlo Ancelotti, një javë pas humbjes së hidhur në ‘El Clasico’.
Lewandowski i cili ka luajtur nën urdhrat e Ancelottit gjatë kohës së tyre së bashku tek Bayern Munichu, nuk u kursye aspak nga lëvdatat sa i përket aftësive menaxheriale të italianit.
“Ancelotti ka një eksperiencë të jashtëzakonshme. Ju mund ta shihni atë tek Real Madridi, lojtarët e ndjekin atë verbërisht”, ka thënë fillimisht Lewandowski.
“Carlo është një njeri i madh i cili gjithmonë ka folur me lojtarët. Ai më ka dhuruar një ndjesi të veçantë. Jo vetëm vetëbesim, por një ndjenjë se unë mund të bëjë një ose dy hapa në karrierën time”, shtoi polaku. /Telegrafi/