Qeveria ukrainase po akuzon Rusinë për përhapjen e mesazheve të rreme për një sulm të madh në Kiev dhe qytete të tjera sot.
Rusia po kryen një “sulm masiv informativ dhe psikologjik kundër Ukrainës”, thotë agjencia e inteligjencës ushtarake të vendit në një postim në Telegram, shkruan BBC, transmeton Gazeta Express.
Agjencia, e cila është pjesë e Ministrisë ukrainase të Mbrojtjes, shton se mesazhet për “kërcënimin e një sulmi veçanërisht masiv me raketa-bombë në qytetet e Ukrainës” po përhapen në rrjetet sociale.
“Ne ju bëjmë thirrje që t’i besoni informacionit vetëm nga burimet zyrtare”, thotë agjencia, duke shtuar se Rusia po përdor “masa frikësimi dhe presioni psikologjik mbi shoqërinë”.
Ajo më tej i nxit njerëzit të mos bëjnë panik, por gjithashtu thekson se njerëzit nuk duhet të injorojnë sulmet ajrore.