Policia ka njoftuar se një burrë është arrestuar dhe një thikë është sekuestruar pasi një numër njerëzish u plagosën në një therje të raportuar me thikë në Southport të Anglisë.
“Mund të konfirmojmë se shërbimet e urgjencës janë në Southport pas një incidenti të madh këtë mëngjes”, deklaroi policia.
Bëhet e ditur se të plagosur janë të paktën tetë persona.
Shërbimi i Ambulancës North West ka deklaruar se disa nga viktimat janë dërguar në spitalin e fëmijëve Alder Hey.
Ndërkohë, viktimat e tjera janë dërguar në Spitalin Universitar Aintree dhe në spitalin Southport dhe Formby, shkruan skynews.
Bëhet e ditur se shërbimi i ambulancës ka dërguar 13 autoambulanca së bashku me burime të specializuara në vendngjarje.
(1/3) North West Ambulance Service (NWAS) is responding to a major incident following a call at 11:48am to Hart Street in Southport following reports of multiple stabbings. pic.twitter.com/Fc385oqrhx
— North West Ambulance Service (@NWAmbulance) July 29, 2024
Por, policia ka deklaruar se nuk ka më kërcënim për publikun dhe do të japin përditësime të mëtejshme, duke këshilluar njerëzit të shmangin spekulimet.
I tmerruar është shprehur edhe personi që e kishte njoftuar policinë për incidentin të cilin e përshkroi si një “skenë në një film horror”.
“Ishte si një skenë nga një film horror. Por, policia e kapi atë”, tha Colin Parry.