Kategoria Superiore e futbollit shqiptar sjellë sot tri ndeshje jashtëzakonisht interesante, të vlefshme për xhiron e 24-të.
Sfida e parë zhvillohet me fillim nga ora 13:00, aty ku Laçi e pret Kukësin, dy skuadra këto që po luftojnë për të siguruar qëndrimin në elitën e futbollit shqiptar derisa pozicionohen në pozitat shtatë dhe tetë me nga 30 përkatësisht 28 pikë në të mirë të Laçit.
Ballafaqim tjetër interesant do të jetë ai që nisë nga ora 16:00 ndërmjet Teutës dhe Vllaznisë në stadiumin “Niko Dovana” në Durrës. Pozitat që dërgojnë në garat evropiane në sezonin e ardhshëm janë synimet e këtyre dy ekipeve. Teuta ka 31 pikë në vendin e gjashtë, kurse Vllaznia pozicionohet në pozitën e katërt me 35 pikë.
Kryendeshja e kësaj xhiroje do të zhvillohet në Tiranë, aty ku në stadiumin e Partizanit, Partizani e pret liderin e tabelës, Tiranën. Vetëm tri pikë është diferenca ndërmjet klubeve, me Tiranën që kryeson tabelën me 40 pikë, ndërsa Partizani është i treti me 37, aq sa ka edhe Egnatia e vendit të dytë.
Kjo ndeshjet do të zhvillohet me fillim nga ora 19:00.
/TV Arbëria
