Të premten në Kosovë parashikohet të mbajë mot me diell dhe vranësira.
Sipas njoftimit, ka mundësi të ketë ndonjë reshje të izoluar shiu. Orët e mëngjesit priten me acar, sidomos në Rrafshin e Kosovës.
Po ashtu, në rajonin e lartcekur, pritet të fryejnë erëra kryesisht nga veriperëndimi dhe perëndimi, ndërsa në Rrafshin e Dukagjinit, kryesisht nga jugperëndimi dhe jugu, të cilat herë pas here pritet të jenë mjaft të fuqishme, me shpejtësi prej 20 deri në 50 km/h.
Derisa temperaturat minimale do të lëvizin nga -3 deri në 2°C, ndërsa ato maksimale nga 13 deri në 17°C.