Ish-kryetari i Listës Serbe, Goran Rakiq është rrahur brutalisht në mbrëmjes e së shtunës në veri të Mitrovicës.
Person që e rrahu është Goran Vuçetiq. I njëjti siç ka mësuar Insajderi pritet të deklarohet sot në Polici, më saktë që nuk do ta pranojë fajësinë.
“Sot do ta jap deklaratën personi që e rrahu Goran Rakiqi. Ai nuk ka me pranu që e ka kryer sulmin”, i tha ky burim Insajderit.
Pas tij në polici pritet që të shkojë edhe vet Rakiqi për të mohuar që është rrahur.
Sipas burimeve të EO dyshohet se e gjithë kjo ka ndodhur si pasojë e përçarjes mes Rakiqit dhe terroristit Milan Radojiçiq.
Theksojmë se Goran Vuçetiq është vëllai i Vladimir Vuçetiq, i akuzuar për sulmin terrorist në Banjskë të Zveçanit ku u vra polici Afrim Bunjaku.
Autoritetet kosovare patën siguruar informacione për Vladimir Vuçetiqin. Ai është pjesëtar i “Mbrojtjes Civile” dhe i “Brigadës së Veriut”, organizata që Kosova i ka shpallur terroriste. Policia ka gjetur prova në vendin e krimit, që dëshmojnë përfshirjen në sulm.
Prokuroria Speciale e Kosovës i ngarkon të akuzuarit me veprat penale “Kryerja e veprës terroriste”, “Veprat e rënda kundër rendit kushtetues dhe sigurisë së Republikës së Kosovës”, “Lehtësimi dhe financimi në kryerjen e terrorizmit” si dhe “Shpërarja e parave”.
