Shumica prej nesh e kalojnë mëngjesin me nxitim të madh, duke vrapuar për t’u përgatitur për ditën e ngarkuar që na pret. Për fat të keq, edhe pjesa e mbetur e ditës kalohet pothuajse në të njëjtën mënyrë.
Nuk ka dyshim se shumë prej nesh janë të pakënaqur dhe e urrejnë faktin se duhet të zgjohen shumë herët në mëngjes. Nga ana tjetër, sigurisht, ka njerëz që në të vërtetë e duan mëngjesin.
Por në të vërtetë çfarë duhet të bëjnë njerëzit e lumtur sapo zgjohen?
Jini mirënjohës
Niseni ditën me dashuri. Admironi jetën tuaj dhe të gjitha gjërat e mira përreth jush. Tregohuni mirënjohës se jeni gjallë sot dhe që keni përreth jush njerëz që i doni dhe ju duan.
Organizoni ditën
Mos u zgjoni dhe filloni ditën tuaj pa pasur një plan. Gjërat e papritura shpesh herë na bëjnë nervoz. Përpiquni të krijoni një listë të gjërave që duhet t’i bëni gjatë ditës dhe përpiquni të gjeni diçka pozitive në planet ditore, derisa po i shkruani ato.
Shijoni shtratin dhe çarçafët për pak sekonda
Pa marrë parasysh sa e çmendur duket kjo ide, ju duhet ta ndjeni butësinë e çarçafëve tuaj për një sekond të paktën. Përpiquni të relaksoheni. Thjesht qëndroni të shtrirë dhe do ta shihni sa shumë do ta shijoni këtë moment.
Buzëqeshni
Në fakt, pse të mos buzëqeshni? Të gjithë e dimë se buzëqeshja ul presionin e gjakut, redukton stresin dhe po ashtu forcon sistemin tuaj imunitar. Buzëqeshja do të thotë më shumë shëndet.
Lëreni të djeshmen pas
Keni pasur një ditë të keqe dje? Pavarësisht kësaj, sot është një ditë e re. Përpiquni të bëni diçka ndryshe dhe nisni një faqe të re. Për çfarëdo arsye që jeni mërzitur dje, mos mendoni sot.
Merrni frymë thellë 10 herë
Nëse merrni frymë thellë 10 herë, freskoni mendjen dhe nisni ditën e re./TV Arbëria
