Përgatiti: Afrim Kasolli
Mediumi i njohur, Politico.eu, shkruan se merita kryesore për nënshkrimin e marrëveshjes ndërmjet SHBA dhe Ukrainës u takon britanikeve, konkretisht kryeministrit të këtij shteti Keir Starmer dhe këshilltarit të tij kryesor për siguri.
Pas asaj që ndodhi në Zyrën Ovale ndërmjet kryetarit të Ukrainës Volodymyr Zelensky dhe presidentit Trump e nënkryetarit JD. Vance, thuajse nuk kishte më shpresë për asgjë. Mirëpo, pikërisht në këtë situatë, kryeministri britanik dhe stafi i tij punuan intensivisht për t’i shpëtuar marrëdhëniet e prishura midis Kievit dhe Uashingtonit, duke hartuar një plan armëpushimi që mund të hapë rrugën për paqe një ditë.
Pra Starmer dhe një nga këshilltarët e tij më të besuar u angazhuan intensivisht pas kulisave javën e kaluar mbi një draft të marrëveshjes të armëpushimit. Kritike ishte se ata së pari duhej të bindnin Trumpin dhe Zelenskyn për të tejkaluar pas armiqësitë e ndezura të 28 shkurtit dhe të shihnin përsëri drejt paqes.
Sipas mediumit në fjalë, Starmer kishte filluar të punonte privatisht për një zgjidhje. “Reagimi i tij ishte të merrte telefonin, jo të shkonte në Twitter,” sipas një personi të njohur me situatën. Starmer zhvilloi biseda telefonike me Trumpin dhe Zelenskyn dhe filloi të punonte mbi një plan.
Sidoqoftë, derisa Starmer ka fituar admirimin për rikthimin e Trumpit dhe Zelenskyt në rrugën e duhur, disa zyrtarë perëndimorë dyshojnë privatisht nëse Britania ka forcën ushtarake për të mbajtur paqen. “Keir është një lojtar i fuqishëm diplomatik, javët e fundit e provuan këtë sidomos,” tha një zyrtar amerikan. “Por gjithsesi të gjithë po pyesin nëse në frontin ushtarak — ai që vërtet ka rëndësi për Putinin — Britania nuk është një tigër me letër.”
Natyrisht, do të ketë më shumë diplomaci të tensionuar përpara se të nënshkruhet një marrëveshje paqeje afatgjatë, dhe shumë gjëra mund të shkojnë ende keq. Në Doëning Street, ekipi i Starmer do të vazhdojë të përpiqet të fitojë orën e ardhshme. /TV Arbëria