SHBA nuk ka marrë një kërkesë zyrtare nga qeveria braziliane në lidhje me statusin e ish-presidentit Jair Bolsonaro, pasi mbështetësit e tij sulmuan Kongresin brazilian, njoftoi sot Shtëpia e Bardhë.
Këshilltari i Sigurisë Kombëtare, Jake Sullivan, i cili është me presidentin Joe Biden në samitin SHBA-Meksikë-Kanada në Mexico City, tha se zyrtarët amerikanë nuk janë në kontakt të drejtpërdrejtë me Bolsonaron.
Ish-presidenti besohet të jetë në periferi të Orlando, Florida.
Më herët sot, tre liderët e Amerikës së Veriut në një deklaratë të përbashkët i qëndruan pranë Brazilit në ruajtjen e institucioneve të tij demokratike.
Trazirat që u ndezën të dielën me pushtimin e Kongresit nga mbështetësit e ish-presidentit Bolsonaro përfunduan sot në Brazil.
Vitin e kaluar në tetor, në raundin e dytë të zgjedhjeve presidenciale, Luiz Ignacio Lula Da Silva mposhti kundërshtarin e tij, të djathtën dhe ish-presidentin Bolsonaro, me rreth një për qind të votave.