Ambasadori izraelit në OKB-së: Izraeli do të mbrojë vehten!

Ambasadori izraelit që OKB, Danny Danon i tha Këshillit...

Bajqinovci mobilizon strukturat e LVV-së në Winthertur të Zvicrës- Mërgata e mobilizuar për fitoren e madhe të 9 shkurtit!

Deputeti i Lëvizjes Vetëvendosje, Mefail Bajqinovci, ka zhvilluar një...
spot_imgspot_imgspot_imgspot_img

Shqipëri, gati baza ajrore taktike e NATO-s në Kuçovë

Extra AL PVC

Ministria e Mbrojtjes e Shqipërisë tha të dielën se përgatitjet janë drejt përfundimit në bazën ajrore të aleancës ushtarake të NATO-s në qytezën jugqendrore të Shqipërisë, Kuçovë, para se ajo të përurohet më 4 mars.

Komandanti i Forcës Ajrore të Shqipërisë, gjeneral brigade Ferdinand Dimo, tha se trupat e NATO-s dhe mjetet fluturuese të saj së shpejti do të akomodohen, stërviten dhe fluturojnë duke u nisur nga baza ajrore e Kuçovës, tashmë bazë ajrore taktike e NATO-s.

Shqipëria është anëtare e NATO-s prej vitit 2009.

Ministri i Mbrojtjes, Niko Peleshi, përmes një postimi në rrjetet sociale theksoi se kjo bazë do të luajë rol kyç në mbështetjen e operacioneve dhe stërvitjeve të NATO-s.

“Kjo bazë do të shërbejë si qendër për aktivitetet e Forcës sonë Ajrore, duke ofruar infrastrukturë të avancuar për avionët luftarakë dhe ata të transportit të Aleancës. Ky hap shënon një fazë të re në forcimin e kapaciteteve tona për bashkëpunim ndërkombëtar dhe siguri rajonale”, shkruan Peleshi në Facebook.

Baza e Kuçovës u përmend edhe nga sekretari amerikan i Shtetit, Antony Blinken gjatë vizitës së tij në Tiranë më 15 shkurt.

“Përgjatë 15 viteve të saj në NATO Shqipëria ka dhënë kontribute domethënëse për aleancën tonë. Muajin e ardhshëm do të përurohet baza ajrore të NATO-s në Kuçovë, tha Blinken.

Punimet për rikonstruksionin e saj nisën në janar të vitit 2022. Prej asaj kohe është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë.

Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare. Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.

Në kohën kur nisi ndërtimi i kësaj baze, ministri Niko Peleshi pati deklaruar se ky ishte një mesazh i qartë “për aktorët e tjerë me qëllime të këqija” në rajonin e Ballkanit Perëndimor.

Për autoritetet shqiptare përzgjedhja e bazës së Kuçovës lidhet sa me pozicionin gjeo-strategjik të vendit, si dhe të vet aeroportit, aq dhe me besueshmërinë që Shqipëria ka krijuar në gjirin e aleancës ushtarake.

Në ceremoninë për përurimin e bazës ajrore do të marrin pjesë përfaqësues të lartë të shtetit shqiptar, të NATO-s dhe të SHBA-së.

Baza ajrore e Kuçovës është ndërtuar në vitet 1950, por doli jashtë përdorimit në vitet ’90.

Pas rikonstruksionit të bazës së Kuçovës, Qeveria e kryeministrit Edi Rama kërkoi që të procedohet sa më shpejt në lidhje me aplikimin e Shqipërisë për ta bashkëfinancuar me NATO-n rikonstruksionin e bazës së re detare në Porto Romano./REL

spot_img

Të fundit

Ambasadori izraelit në OKB-së: Izraeli do të mbrojë vehten!

Ambasadori izraelit që OKB, Danny Danon i tha Këshillit...

Bajqinovci mobilizon strukturat e LVV-së në Winthertur të Zvicrës- Mërgata e mobilizuar për fitoren e madhe të 9 shkurtit!

Deputeti i Lëvizjes Vetëvendosje, Mefail Bajqinovci, ka zhvilluar një...

Deklaratat për “sulm nga Serbia” përpjekje për të fituar simpatinë ndërkombëtare, thotë Prelec

Marco Prelec, hulumtues në organizatën e pavarur International Crisis...

Ambasadori izraelit në OKB-së: Izraeli do të mbrojë vehten!

Ambasadori izraelit që OKB, Danny Danon i tha Këshillit të Sigurimit se Izraeli nuk e kishte përjashtuar mundësinë e sulmeve të mëtejshme ndaj milicisë...

Bajqinovci mobilizon strukturat e LVV-së në Winthertur të Zvicrës- Mërgata e mobilizuar për fitoren e madhe të 9 shkurtit!

Deputeti i Lëvizjes Vetëvendosje, Mefail Bajqinovci, ka zhvilluar një takim me aktivistë dhe simpatizantë të Lëvizjes Vetëvendosje në Winthertur të Zvicrës. Bajqinovci mbi fotografitë e...

Rukiqi kritikon Qeverinë: Xhepat e qytetarëve të gërryer nga rritja e çmimeve, keni humbur 500 milionë nga sanskionet

Berat Rukiqi ka reaguar në profilin e tij në ‘facebook’ rreth pretendimeve të Qeverisë Kurti për vazhdimësinë e rritjes ekonomike në vend. Zyrtari i...