SHBA vendosi sot sanksione ndaj një prej rusëve më të pasur, Vladimir Potanin, si dhe ndaj bankës tregtare ruse “Rosbank” dhe “Interos”, një kompani investimi e kontrolluar nga Potanin.
Në faqen e Ministrisë së Financave të SHBA-së, thuhet se “Rosbank” është blerë nga “Interos” në fillim të këtij viti.
Potanin (61) është aksionari më i madh i “Nornickel”, dhe “Interos” zotëron 36 për qind të “Nornickel”.
“Nornickel” është prodhuesi më i madh në botë i paladiumit dhe nikelit të përpunuar dhe ishte një nga “çmimet” më të mëdha në hapësirën post-sovjetike gjatë shpërndarjes së objekteve industriale ruse në vitet 1990.
SHBA vendosi sot sanksione ndaj më shumë se 40 individëve si pjesë e sanksioneve të reja kundër sektorit të shërbimeve financiare të Rusisë. /TV Arbëria