Zëdhënësi i Sigurisë Kombëtare të Shtëpisë së Bardhë, John Kirby, ka thënë për CNN se Shtetet e Bashkuara janë “kujdesshëm optimiste” për bisedimet e armëpushimit në Gaza, duke shtuar se boshllëqet midis dy palëve mund të ngushtohen, sipas Reuters.
Kur u pyet nëse një marrëveshje armëpushimi është afër, Kirby tha: “Ne jemi kujdesshëm optimistë se gjërat po ecin në një drejtim të mirë… Ka ende boshllëqe të mbetura midis dy palëve. Ne besojmë se këto boshllëqe mund të ngushtohen, dhe kjo është ajo që Brett McGurk dhe drejtori i CIA-s Bill Burns po përpiqen ta bëjnë tani”.
Presidenti Joe Biden detajoi një propozim prej tri fazash në fund të majit, që synon arritjen e një armëpushimi: lirimin e pengjeve në Gaza dhe të burgosurve palestinezë të mbajtur nga Izraeli, tërheqjen e Izraelit nga Gaza dhe rindërtimin e territorit bregdetar.
Burns dhe i dërguari i SHBA për Lindjen e Mesme McGurk janë në takimin e Lindjes së Mesme me homologët rajonalë për të diskutuar për një marrëveshje të mundshme.
