Gëzim Shala nga IKD ka deklaruar se, nëse zyrtarët publik obligohen që të drejtën e tyre të cilën nuk po e marrin nga Kuvendi, ta marrin përmes Gjykatave atëherë do të kolapsojë Sistemi i Drejtësisë.
I ftuar në emisionin “ARB DEBAT” në TV ARBËRIA, Shala ka theksuar se për shkak të mospërmbushjes së kontratës kolektive, çështjes së pensioneve etj., jemi në një situatë ku numri i lëndëve civile tanimë është trefishuar.
“Në bazë të gjetjeve tona përmes kësaj dispozite preken përmbi 90 mijë zyrtarë public. Fakti që nuk e ka adresuar këtë aktgjykim të Gjykatës Kushtetuese, Kuvendi deri më 1 gusht 2024 të fhithë zyrtarëve publik tani më ju ka lindur e drejta që të parashtojnë padi ligjore në Gjykatë. Nëse kjo ndodhë nëse zyrtarët publikë thjesht obligohen që të drejtën e tyre të cilën nuk po e marrin nga Kuvendi ta marrin përmes Gjykatave atëherë do të kolapsojë fillimisht Sistemi i Drejtësisë për shkak se do t’i ketë mbi 90 mijë lëndë të reja do të thotë për shkak të mospërmbushjes së kontratës kolektive, çështjes së pensioneve etj jemi në një situatë ku numri I lëndëve civile tanimë është trefishua”, tha më tej Shala.