Galaxy AI i Samsung do të jetë gjithnjë e më shumë në qendër të pajisjeve nga linja Galaxy S25, si dhe telefonave të rangut të mesëm nga seria A.
Inteligjenca artificial (Al) mund të jetë në gjendje të përsos veten, por kjo kohë nuk ka ardhur ende, pasi ajo ka nevojë për njerëzit që ta zhvillojnë atë tani.
Një raport nga gazeta e përditshme në gjuhën angleze KoreaTimes, thotë se Samsung do të punojë së bashku me Universitetin Kombëtar të Seulit për të zhvilluar teknologjitë e AI dhe për të trajnuar ekspertë të AI.
Fokusi i veçantë do të jetë në përmirësimin e kërkimit për AI në pajisje në pajisjet celulare Galaxy, shkruajnë mediat e huaja, transmeton Telegrafi.
Gjithashtu, Samsung ka nënshkruar një memorandum me Universitetin Kombëtar të Seulit për të krijuar një qendër të përbashkët kërkimore të AI.
Sipas kësaj marrëveshjeje, studiuesit do të bashkohen me studentë nga Kolegji i Inxhinierisë i Universitetit Kombëtar të Seulit në projektet kërkimore të industries që lidhen me teknologjitë më të fundit të AI gjatë tre viteve të ardhshme.
Bashkëpunimi do të synojë në mënyrë specifike zhvillimin e AI në pajisje, e cila lejon funksionet e AI të funksionojnë brenda një pajisjeje pa nevojën për një lidhje interneti, dhe AI multi-modale, e cila përpunon lloje të ndryshme të të dhënave si teksti, imazhet, zëri, dhe video në të njëjtën kohë.
Ndryshe, Samsung ka integruar disa teknologji AI, duke përfshirë Circle to Search, përkthimin në kohë reale dhe Photo Assist, në telefonin e tij më të fundit, serinë Galaxy S24.
Nëpërmjet këtij partneriteti me Universitetin Kombëtar të Seulit, Samsung synon të sigurojë teknologji thelbësore për sektorin e Al në zhvillim të shpejtë dhe të rrisë konkurrencën e tij teknologjike.