Berat Rukiqi nga LDK i ka reaguar ministrit të Financave Hekuran Murati në lidhje me një postim të këtij të fundit për të dhënat e rritjes së çmimeve në Kosovë dhe rajon.
Rukiqi e ka quajtur Muratin “propagandues kronik”.
Ai ka shtuar se një qytetar i Kosovës sot shpenzon 60 për qind të pagës për produkte bazë dhe barna. Sipas tij në vitin 2021 për të njëjtat produkte janë shpenzuar 30 për qind e pagës.
“Nje qytetar i Kosves, sot shpenzon 60% te pages per produkte baze (buke, sheqer, vaj dhe qumesht) dhe barna. Kur e kane nis keta qeverisjen ne vitin 2021, per te njejtat produkte, eshte shpenzuar vetem 30% e pages. Ky eshte indikatori kyç i perkeqesimit te mireqenies te qytetareve, qe vjen si pasoje e mos ndermarrjes te asnje mase per inflacionin.”
Ai ka listuar çmimet e disa prej produkteve bazike në Kosovë.
“Çmimi i bukës është rritë për 50%, nga 35 cent në 50 cent
Çmimi i qumështit është rritë për 38%, nga 88 cent në 1.21 euro
Çmimi i sheqerit është rritë për 80% nga 70 cent në 1.25 euro
Çmimi i miellit është rritë për 52%, nga 52 cent në 70 cent.
Çmimi i rrymës është dyfishuar!”, ka shkruar ai.
