Lumir Abdixhiku ka vazhduar angazhimin e tij me qytetarët në lagjen Arbanë dhe fshatin Gjonaj në Prizren, duke theksuar rëndësinë e komunikimit të drejtpërdrejtë.
Ai u shpreh se takimet me njerëzit dhe familjet e mrekullueshme në këto zona janë pjesa më e rëndësishme e angazhimit të tij politik.
Abdixhiku nënvizoi se, përkundër sfidave të përbashkëta, qytetarët nuk e humbasin shpresën për një jetë më të mirë. Ai premtoi se ai dhe ekipi i tij do të ofrojnë mundësi për përmirësim, duke e vendosur mirëqenien e qytetarëve në qendër të veprimtarisë së tyre.“Shpresa që kërkon ndryshimin gjithmonë gjen rrugën,” tha Abdixhiku, duke theksuar se “Rruga e Re” është alternativa e vetme për Kosovën që duan.
Ai gjithashtu theksoi se Lidhja e tij politike po forcohet anekënd Kosovës, duke sjellë shpresë për një të ardhme më të ndritur.
