Policia në Holandë ka arrestuar rreth 2,000 aktivistë mjedisorë që protestojnë për një bllokim rrugësh në Hagë.
Nën flamurin e grupit mjedisor “Rebelimi i zhdukjes”, mijëra protestues u mblodhën për të kërkuar ndalimin e përdorimit të lëndëve djegëse fosile.
Aktivistët e klimës bllokuan pjesën e fundit të rrugës kryesore A12, e cila shërben si hyrje e qytetit, duke shkaktuar ndërprerje të trafikut në rrugët lidhëse.
Demonstruesit organizuan një protestë ulur, duke tundur pankarta me slogane të tilla si “Koha ka kaluar, ndaloni subvencionet e karburanteve fosile”, “Sistemi duhet të ndryshojë, jo klima” dhe “Lobi fosil është një organizatë kriminale, ne jemi njerëzit.”
Protestuesit u zotuan të mbajnë bllokimin e tyre të rrugës kryesore A12 për në parlamentin holandez në Hagë në baza ditore, derisa qeveria të përfundojë përdorimin e subvencioneve të karburanteve fosile./AA/
/TV Arbëria
